डडेल्धुरामा आगलागी हुँदा एकको मृत्यु
नारीकोसिस डटकम/फागुन १५, डडेल्धुरा । डडेल्धुरामा आगलागीमा परी एक वालिकको मृत्यु भएको छ भने एक जना गम्भिर घाइते भएका छन् ।
आलिताल गाउँपालिका–८, गोदामबजारमा रहेको उत्तम थापाको किराना पसलमा मंगलबार राति आगलागी हुँदा उनकी ८ वर्षीया छोरी आरती थापाको जलेर मृत्यु भएको हो।
आगलागीको पुष्टि गर्दै थापाकी जेठी छोरी ११ वर्षीया निरुता थापा गम्भीर घाइते भएको जिल्ला प्रहरी कार्यालय डडेल्धुराले जनाएको छ ।
गम्भीर घाइते निरुतालाई उपचारका लागि धनगढी लगिएको आलिताल गाउँपालिकाका अध्यक्ष बलबहादुर गुरुङले बताएका छन् ।
थापाकी २ छोरी आरती र निरुता थापा मैनबत्ती बालेर किताब पढीरहेको बेला मैनबत्ती ढलेर पसलमा आगलागी भएको र आगो लागेर एक छोरी घाइते अवस्थामा आफैं घर बाहिर निस्किएपछि मात्रै परिवारले जानकारी पाएका थिए ।
तपाईको प्रतिक्रिया