नयाँ दिल्ली । तमिलगा वेत्री कझगम (टीभीके)का अध्यक्ष सी.जोसेफ विजयले आइतबार तमिलनाडुको मुख्यमन्त्री पदको शपथ लिएका छन् । उनको नेतृत्वमा नयाँ सरकार गठन भएसँगै तमिलनाडुमा डीएमके र एआईएडीएमकेले करिब ६ दशकदेखि कायम राखेको राजनीतिक वर्चस्व अन्त्य भएको छ ।

तमिलनाडुका राज्यपाल राजेन्द्र विश्वनाथ अर्लेकरले चेन्नईस्थित चेन्नईको जबाहरलाल नेहरु स्टेडियममा मा आयोजित विशेष समारोहबीच विजयलाई पद तथा गोपनीयताको शपथ गराएका हुन् । बिहान १० बजे सुरु भएको कार्यक्रममा टीभीकेका वरिष्ठ नेतासहित नौ जनाले मन्त्री पदको शपथ लिए ।

मुख्यमन्त्री विजयले कांग्रेसको समर्थनमा गठबन्धन सरकारको नेतृत्व गर्ने भएका छन् । राज्यपाल अर्लेकरले उनलाई मे १३ भित्र वा सोअघि नै तमिलनाडु विधानसभामा विश्वासको मत लिन निर्देशन दिएका छन् ।

मन्त्री पदको शपथ लिनेहरूमा बुसी एन। आनन्द, आधव अर्जुन, के।जी। अरुणराज, के।ए। सेनगोटैयन, पी। वेंकटरमणन, सी।टी।आर। निर्मलकुमार, ए। राजामोहन, टी।के। प्रभु र एस। कीर्तना रहेका छन् ।
शपथ ग्रहण समारोहमा राहुल गान्धी लगायत विभिन्न दलका शीर्ष नेताहरूको उपस्थिति रहेको थियो । टीभीकेलाई अहिले १२० विधायकको समर्थन रहेको बताइएको छ । तमिलनाडु विधानसभामा सरकार टिकाउन ११८ विधायकको समर्थन आवश्यक पर्ने व्यवस्था छ ।

इन्डियन युनियन मुस्लिम लिग ९आईयूएमएल० ले पनि विजय नेतृत्वको सरकारलाई निःशर्त समर्थन घोषणा गरेको छ । गठबन्धनमा सहभागी दलका विधायकहरूको समर्थनपछि विजयले स्पष्ट बहुमत सुनिश्चित गरेका हुन् ।

यसअघि शनिबार साँझ विजयले राज्यपाल अर्लेकरलाई भेटेर १२० विधायकको समर्थन पत्र बुझाएका थिए । त्यसपछि राज्यपालले टीभीकेलाई सरकार गठनका लागि औपचारिक अनुमति दिएका थिए । यससँगै केही दिनदेखिको राजनीतिक अन्योल अन्त्य भएको छ ।

फिल्म क्षेत्रबाट राजनीतिमा प्रवेश गरेका विजयले छोटो समयमै जनसमर्थन विस्तार गर्दै तमिलनाडुको राजनीतिमा नयाँ शक्ति स्थापित गरेका छन् । उनको नेतृत्वमा बनेको सरकारलाई दक्षिण भारतीय राजनीतिमा ठूलो राजनीतिक परिवर्तनका रूपमा हेरिएको छ ।