उमेर बढेसँगै कामको व्यवस्ताले गर्दा हामीले हाम्रो स्वास्थ्यमा खासै ध्यान  पाईरहेका हुदैनौ । जसले गर्दा शरीर भद्धा देखिने देखि लिएर मोटोपनको समस्यालो सताउन थाल्दछ । त्यसैले हामीले आफ्नो जीवनशैली परिवर्तन गर्नुको विकल्प छैन । सामन्यतया हामीले दैनिक खाने कुरामा ध्यान दिन जरुरी हुन्छ । कसरी के खान्छौ भन्ने कुरा ध्यान दिनु महत्वपूर्ण हुन्छ ।

के खाने त ?

ड्राई फ्रुट्स, अन्न, मासु, अण्डा, सागसब्जी, तरकारी, फलफूलमा भरपूर मात्रामा एन्टीअक्सिडेन्ट तत्व पाईने भएकाले यी तत्व पाईने खानेकुराहरु समावेश गर्ने ।

दिनमा कम्तीमा एक कप ग्रीन टीको सेवन गर्ने जसले  स्मरणशक्ति कमजोर हुनबाट बचाउछ ।

शरीरलाई सक्रिय राख्न खानामा कन्ट्रोल गर्नुपर्छ । यसको लागि जति भोक लागेको छ, त्यसको  अनुपातमा ८० प्रतिशत मात्र खानाको सेवन गर्नु पर्छ ।

दहीमा क्याल्सियम हुने भएकोले यसले ओस्टियोपोरोसिसको समस्याबाट बचाउँछ । त्ससैले, दिउँसोको खानामा एक कचौरा दहीको सेवन निकै लाभदायक मानिन्छ ।

जीवनशैलीमा कसरी परिवर्तन गर्ने

दिमागलाई सक्रिय राख्नका लागि पनि नयाँ नयाँ कुरा सिक्नु राम्रो हुन्छ र्। तर्सथ दिमागलाई सधैभरी व्यस्त राख्ने ।

सुत्दा छालाको कोषिका मर्मत हुन्छ जसले अनुहारमा  चाउरीपना आउन दिदैन । त्यसैले दिनमा कम्तीमा सात देखि आठ घण्टा सुत्न जरुरी हुन्छ ।

सोचाईले पनि तपाईको स्वास्थ्यमा प्रभाव पार्ने भएकोले जहिले सकारात्क सोच्नुपर्छ र  आफूलाई सधैभरी  खुशी एंव उत्प्रेरित गर्न जरुरी छ ।