मदर टेरेसा एक विश्वप्रसिद्ध समाजसेवी तथा रोमन क्याथोलिक नन हुन् । जसले आफ्नो पूरा जीवन गरीब, असहाय र बिरामीहरूको सेवामा समर्पित गरिन्। जसले आफ्नो पूरा जीवन गरीब, असहाय र बिरामीहरूको सेवामा समर्पित गरिन्।

उनको जन्म अगस्ट २६, १९१० स्कोप्जे, (हालको उत्तर म्यासेडोनियामा ) भएको हो । मदर टेरेसाको वास्तविक नाम आञेजा गोंजे बोयाजिउ हो ।उनले सन् १९५० मा “मिशनिज अफ च्यारिटी” भारतको कोलकातामा स्थापना गरिन ।

उनले ४५ वर्षभन्दा बढी समयसम्म गरिब, असहाय, अनाथ र नम्रतापूर्वक मर्नेहरूका लागि सेवा कार्य गरिन्।उनलाई मानवताको सेवा गरेबापत सन् १९७९ मा प्रतिष्ठित “नोबेल शान्ति पुरस्कार” प्रदान गरिएको थियो। उनले पुरस्कारको साथमा मिलने भोजको रकमसमेत गरिबहरूलाई दिन आग्रह गरेकी थिइन्।

भारतद्वारा प्रदान गरिएका सम्मान
भारत रत्न (१९८०): यो भारतको सर्वोच्च नागरिक सम्मान हो, जुन उनलाई उनको मानवीय कार्यको कदर गर्दै प्रदान गरिएको थियो।
पद्म श्री (१९६२) :उनको सुरुवाती सेवा कार्यहरूको सम्मान गर्दै भारत सरकारले यो पुरस्कार दिएको थियो।

अन्तर्राष्ट्रिय पुरस्कार तथा सम्मान

रेमन म्यागसेसे पुरस्कार (१९६२): अन्तर्राष्ट्रिय समझदारी र कल्याणका लागि उनलाई यो प्रतिष्ठित एशियाली पुरस्कार प्रदान गरिएको थियो।
जवाहरलाल नेहरू पुरस्कार (१९६९): अन्तर्राष्ट्रिय समझदारीका लागि भारत सरकारले प्रदान गर्ने यो पुरस्कार उनले प्राप्त गरेकी थिइन्।पोप जोन २३औँ शान्ति पुरस्कार( १९७१) :इसाई धर्मगुरु पोपद्वारा उनलाई यो धार्मिक तथा सामाजिक शान्ति पुरस्कार दिइएको थियो।
टेम्पलटन पुरस्कार (१९७३) : धर्म र मानवताको क्षेत्रमा विशेष योगदान पुर्‍याएबापत उनले यो पुरस्कार पाएकी थिइन्।
प्रेसिडेन्सियल मेडल अफ फ्रीडम (१९८५) :संयुक्त राज्य अमेरिकाको सर्वोच्च नागरिक सम्मान, जुन राष्ट्रपति रोनाल्ड रेगनले प्रदान गरेका थिए।अर्डर अफ मेरिट (१९८३): बेलायतकी महारानी एलिजाबेथ द्वितीयद्वारा प्रदान गरिएको प्रतिष्ठित सम्मान।
कङ्ग्रेशनल गोल्ड मेडल (१९९७): अमेरिकी संसद द्वारा दिइने सर्वोच्च नागरिक सम्मान, जुन उनको मृत्यु हुनुभन्दा केही समयअघि घोषणा गरिएको थियो।

निरन्तरको स्वास्थ्य समस्या र हृदयघातका कारण ५ सेप्टेम्बर १९९७ मा ८७ वर्षको उमेरमा कोलकातामा उनको निधन भयो।