
५ जेठ, काठमाडौं । फिफा विश्वकप फुटबलको सबैभन्दा ठुलो खेल मेला हो । यसमा ट्रफी र गोलको मात्र गणना हुँदैन । कुन टिमले विश्वकपमा आफूलाई सधैं प्रतिस्पर्धात्मक टोलीको रुपमा उभ्याउन सफल भयो भन्ने विषय पनि महत्वपूर्ण हुन्छ ।
जस्तै विश्वकप भन्ने बित्तिकै ब्राजिल लगायत देशको नाम अघि आइहाल्छ । फुटबलको सबैभन्दा ठूलो स्टेजमा खेल्ने सपना बनाएका धेरै देशहरू अझै त्यहाँसम्म पुग्न सकेका छैनन् ।
तर केही त्यस्ता देशहरू पनि छन् जसले लगातारजसो विश्वकपमा आफूलाई उपाधि दाबेदारको रुपमा पेश गरिरहेका छन् र धेरै खेल समेत खेलेका छन् । जसलाई विश्वकपो ट्र्यु जायन्ट्सको रुपमा समेत लिने गरिन्छ ।
यहाँ फिफा विश्वकपको २२ संस्करण सम्पन्न भइसक्दा सर्वाधिक खेल खेल्ने १० टोलीको बारेमा चर्चा गरिएको छ ।
ब्राजिल ११४
अहिलेसम्मको सबै विश्वकप खेल्ने एक मात्र राष्ट्रको रुपमा रहेको ब्राजिलले कीर्तिमानी पाँच पटक विश्वकप उपाधि समेत जितेको छ । यस्तै ब्राजिल विश्वकपमा सबैभन्दा धेरै खेल खेल्ने टोली समेत हो ।
ब्राजिलले २२ संस्करणमा गरी कूल ११४ खेल खेलेको छ । पाँच उपाधि जित्ने क्रममा ब्राजलिका लागि लेजेन्डहरू पेले, रोनाल्डो, रोमारियो, रोनाल्डिन्हो जस्ता खेलाडीहरू स्टारको रुपमा उदाएका थिए ।
ब्राजिल विश्व फुटबलको पर्यायवाची र विश्वकपको सिम्बोलको रुपमा रहेको छ ।
जर्मनी ११२
सर्वाधिक खेल खेल्ने सूचीको दोस्रो स्थानमा छ युरोपियन राष्ट्र जर्मनी । जर्मनीले विश्वकपमा ११२ खेल खेलेको छ ।
ब्राजिल भन्दा उपाधिको सूचीमा पछि रहेको जर्मनीले ४ पटक विश्वकप जितेको छ । विश्वकपमा सदाबहार दाबेदारको रुपमा जर्मनी रहँदै आएको छ ।
जर्मनीले पछिल्लो पटक सन् २०१४ मा ब्राजिलमै भएको विश्वकप उपाधि जितेको थियो ।
अर्जेन्टिना ८८
फिफा विश्वकपको साविक विजेता अर्जेन्टिना सर्वाधिक विश्वकप खेल खेल्नेमा तेस्रो स्थानमा छ । अर्जेन्टिनाले अहिलेसम्म १९ संस्करणमा गरी कुल ८८ खेल खेलेको छ ।
पछिल्लो पटक कतारमा भएको २०२२ को विश्वकप जित्दै अर्जेन्टिनाले तेस्रो पटक उपाधि उचालेको थियो ।
विश्व फुटबलकै सुपरस्टारको रुपमा रहेका लिओनल मेसीको कप्तानीमा अर्जेन्टिनाले तेस्रो पटक विश्वकप जितेको थियो ।
इटली ८३
जर्मनीसँगै समान चार पटक विश्वकप जितेको इटाली पछिल्ला केही संस्करण विश्वकपमा छनोट हुन सकिरहेको छैन । यद्यपी इटाली सर्वाधिक खेल खेल्नेमा चौथो स्थानमा छ ।
इटालीले विश्वकपमा ८३ खेल खेलेको छ । त्यो संख्या बढाउन इटलीले विश्वकपमा छनोट हुने चुनौती पूरा गर्नुपर्नेछ ।
इंग्ल्यान्ड ७४
इंग्ल्यान्डलाई फुटबलकै जन्मदाताको रुपमा लिइन्छ । विश्वकप फुटबलमा इंग्लयान्डमा ७४ खेल खेलेको छ र यो सूचीमा पाँचौं स्थानमा छ ।
थ्री लायन्सको रुपमा परिचित इंग्ल्यान्डले सन् १९६६ मा घरेलु मैदानमा भएको विश्वकप जितेको थियो । त्यसपछि इंग्ल्यान्ड लगातार उपाधि दाबेदार भएपनि फेरि जित्न सकेको छैन ।
फ्रान्स ७३
फ्रान्स पछिल्लो समय विश्व फुटबलको सुपर पावरको रुपमा अघि बढिरहेको छ । पछिल्लो तीन दशकमा फ्रान्सले दुई पटक विश्वकप जितेको छ । फ्रान्सले विश्वकपमा अहिलेसम्म ७३ खेल खेलेको छ ।
सन् १९९८ मा घरेलु मैदानमा पहिलो पटक विश्वकप जितेको फ्रान्सले २०१८ मा रुसमा दोस्रो पटक उपाधि जितेको थियो ।
सन् २०२२ मा पनि फाइनल पुगेको फ्रान्स अर्जेन्टिनासँग पराजित भएको थियो ।
स्पेन ६७
पछिल्लो समय अन्तर्राष्ट्रिय फुटबलमा चम्केको अर्को युरोपेली राष्ट्र हो स्पेन । स्पेनले विश्वकपमा ६७ खेल खेलेको छ ।
गोल्डेन जेनेरेसनको रुपमा परिचित स्पेनी टोलीले सन् २०१० मा दक्षिण अफ्रिकामा भएको विश्वकपको उपाधि जितेको थियो । जसबाट स्पेनले पुरुष फुटबलमा आफ्नो उत्कृष्ट सुरुवात गरेको थियो ।
त्यही लयलाई फेरि दोहोर्याउने लक्ष्यमा स्पेन रहेको छ ।
मेक्सिको ६६
मेक्सिको विश्वकपमा धेरै अनुभवी टोली हो तर अहिलेसम्म उपाधि भने जित्न सकेको छैन । मेक्सिकोले दुई पटक फिफा विश्वकप नै आयोजना गरिसकेको छ भने सहआयोजकको रुपमा तेस्रो पटक आयोजना गर्दैछ ।
मेक्सिकोले अहिलेसम्म विश्वकपमा ६६ खेल खेलेको छ र आधुनिक विश्व फुटबलमा कन्सिस्टेन्ट टिमको रुपमा रहेको छ ।
२०२६ को विश्वकप आयोजना पछि मेक्सिको तीन पटक विश्वकप आयोजना गर्ने पहिलो राष्ट्र समेत बन्दैछ ।
उरुग्वे ५९
विश्वकपको इतिहास खोतल्दा सबैले सम्झने पहिलो नाम हो उरुग्वे । उरुग्वे पहिलो पटक विश्वकप जित्ने राष्ट्र हो । उरुग्वेले विश्वकपमा ५९ खेल खेलेको छ ।
सन् १९३० को पहिलो विश्वकप उपाधि जितेर इतिहास रचेको उरुग्वेले सन् १९५० मा दोस्रो पटक विश्वकप जितेको थियो ।
नेदरल्यान्ड्स ५५
विश्वकपमा अभागी टोलीको रुपमा रहेको नेदरल्यान्ड्स विश्वकपमा अहिलेसम्म ३ फाइनल खेल्दा पनि उपाधि जित्न सकेको छैन ।
नेदरल्यान्ड्सले अहिलेसम्म विश्वकपमा ५५ खेल खेलेको छ ।
योहान क्रफ, डेनिस बर्गक्याम्प हुँदै आर्यन रोबेन, वेस्ने स्नाइडर, भर्जिल भान डाइक जस्ता खेलाडीहरू हहुँदा पनि डच टोली अझै पहिलो विश्वकप उपाधिको खोजीमा छ ।













समाचार
छात्रालाई मासिक १६ सेनेटरी प्याड
योग गर्दा ध्यान दिनुपर्ने कुराहरु
उखु किसानले पाउँदैनन् सहजै पसिनाको मूल्य
प्रस्तावित टोखा–नुवाकोट सुरुङमार्ग चिनियाँ टोली काठमाडौँमा
इँटा बनाएर मासिक एक लाख आम्दानी
स्वस्थ मुटुका लागि दैनिक कति घण्टा निन्द्रा आवश्यक छ ?
बच्चा निरोगी बनाउन राम्रो स्याहारसुसार
स्वास्थ्य बीमाबाट पच्चीस लाख नागरिक लाभान्वित
जाडोमा ब्लडप्रेसर बढेको छ ? समयमै जाँच गर्नुस्, नत्र ज्यानै जाला
जब सुतेकालाई धमाधम उठाइयो