नारी कोसिस डटकम/माघ ९, ललितपुर । ललितपुरको फुलचोकी डाँडामा  बुधबार हिउँ खेल्न जाने तथा हिउँमा रमाउनेहरुको लर्को लागेको छ ।

तर, अत्यधिक सवारी साधनको आवागमनका कारण बाटो बिग्रिँदा धेरै मानिस बीचबाटै त्यसै फर्किन बाध्य भएका छन् ।

घन्टौसम्म ट्राफिक जाम कटेर हिउँ खेल्न सफल भए भने कतिपय घन्टौसम्म जाममा परी विचवाटोवाटै फर्किन वाध्य भएका छन् ।

अत्याधिक भिडका कारण दिउँसो ट्राफिक व्यवस्थापनमा समस्या परेसँगै दिउँसो साडे दुई वजेबाट जामका कारण माथी फुलचोकी डाँडामा जान नदिएको बाडेगाउँ प्रहरी चौकीका इन्सपेक्टर श्याम कुमार कटवालले जानकारी दिए ।

ललितपुरको पाटनदेखि झण्डै १० किलोमिटर दक्षिण पूर्वमा मनोरम पर्वत फुलचोकी डाँडा समुन्द्री सतहदेखि २ हजार ७ सय ६२ मिटरको उचाइमा रहेको छ । यो डाँडा काठमाडौं उपत्यकाकै सबभन्दा अग्लो स्थान हो ।

भिडियो