नारी कोसिस डटकम/माघ १६, चितवन। धुर्मुस सुन्तली फाउन्डेसनले चितवनमा अन्तर्राष्ट्रिय क्रिकेट रंगशाला निर्माण गर्ने भएको छ ।
फाउन्डेसन र भरतपुर महानगरबीच रंगशाला निर्माणका लागि जग्गा प्राप्तिसम्वन्धी समेत सम्झौता भएको छ ।

बुधबार चितवनमा फाउन्डेसनले रंगशालाको थ्रि–डी भिडियो तथा तस्बीर सार्वजनिक गर्दै औपचारीक रुपमा रंगशाला निर्माणको घोषणा गरेका हुन् ।

चितवन महानगरपालिकाले २० विगाह ६ कठ्ठा जग्गा फाउन्डेनसलाई हस्तान्तरण गरेको छ।

कृषि तथा वन विश्वविद्यालयले भोगचलान गरिरहेको उक्त जग्गा रंगशाला निर्माण गरिने भएसँगै महानगरमार्फत फाउन्डेसनलाई उपलब्ध गराउन सहमत भएको हो।