नारीकोसिस डटकम/ चैत ११, दाङ । दाङको राप्ती गाउँपालिका–१ वगाह बस्ने हिमाल राना मगरको तिन वर्षीय छोरा अमित रानाले खेल्ने क्रममा सलाई कोर्दा आगलागी भएर १ महिने बहिनीको मृत्यु भएको छ ।

आगलागीका कारण उनकै एक महिने बहिनी संगिता रानाको मृत्यु भएको छ ।

बच्चाहरु खेलिरहेको बेला सलाई चलाउँदा आगो सल्किएपछि गम्भीर घाईते भएकी संगीताको लुम्बिनी प्रादेशिक अस्पताल बुटवलमा उपचारको क्रममा मृत्यु भएको हो ।

जिल्ला प्रहरी कार्यालय दाङका प्रहरी नायब उपरीक्षक बिनोद बिक्रम शाहका अनुसार अमित रानाले उनकी बहिनी संगिताको नजिकै सलाई कोरेर खेलिरहेका थिए ।

घरमा अन्य क्षति भने भएको छैन । संगीताको शवलाई अस्पतालमै राखिएको छ ।