नारीकोसिस डटकम/चैत २६, महोत्तरी । जिल्लाको लोहारपट्टि नगरपालिका ५ मा मुस्लिम परम्परा अनुसार खतना गर्ने क्रममा (लिङ्गको टुप्पोको बाहिरी छाला काटिएको) दुई महिने शिशुको मृत्यु भएको छ । स्थानीय आशिक शेषका दुई महिने छोरा फिरोज शेषको मृत्यु भएको जिल्ला प्रहरी कार्यालय महोत्तरीले जनाएको छ ।

शिशुको उपचारको क्रममा जनकपुर स्थित अञ्चल अस्पतालमा मृत्यु भएको हो । इस्लाम धर्मअनुसार खतना गर्ने क्रममा अत्यधिक रक्तस्राव भएको थियो ।

घटनाको सम्बन्धमा अनुसन्धान भइरहेको जिल्ला प्रहरी कार्यालय महोत्तरीका डिएसपी खगेन्द्र खड्काले जानकारी दिए । मुस्लिम समुदायमा खतना अनिवार्य मानिन्छ ।