नारी कोसिस डटकम/ पुस–१८, काठमाडौ । ५ नम्बर प्रदेश सरकारले थारु र मगर समुदायहरुको ठूलो पर्व माघीको अवसरमा दुई दिन सार्वजनिक विदा दिने भएको छ ।

मंगलबार बसेको प्रदेश ५ को मन्त्रिपरिषद बैठकले माघे संक्रान्ति माघीको अवसरमा माघ १ र २ गते प्रदेश नम्बर ५ मा सार्वजनिक बिदा दिने निर्णय गरेको हो ।

प्रदेश ५ मा थारु जातिको बाहुल्यता रहेको र मगर जातिको पनि ठूलो उपस्थिती रहेकाले सरकारले माघे संक्रान्तिका अवसरमा दुई दिन सार्वजनिक बिदा दिने निर्णय गरेको मुख्यमन्त्री शंकर पोखरेलका प्रेस सल्लाहकार शेरबहादुर केसीले जानकारी दिनुभयो ।