नारी कोसिस डटकम । जाडो याममा बच्चादेखि सवै उमेर समूहलाई विभिन्न समस्या देखिने भएकाले खानपान, सरसरफाईमा विशेष ध्यान दिनुपर्छ । पसु र माघ महिना अत्याधिक चिसो हुने भएकाले यो महिनामा विशेष गरी बच्चाहरुलाई चिसोवाट बचाईराख्नुपर्छ । ताकि चिसोका कारण बच्चाहरुमा विभिन्न समस्याहरु देखा नपरोस् । चिसोलाई कन्ट्रोल गर्न त सकिदैन तर यसबाट बच्न भने सकिन्छ । यसको लागि जाडो याममा बच्चाहरुलाई कसरी हेरचाह गर्ने भन्ने विषयमा केही जानकारी दिन खोजेका छौं ।

१ बच्चालाई न्यानो कपडाले न्यानो बनाईराख्ने, जस्तै टोपी, पञ्जा, मोजा लगाएर राख्ने।

२ सकेसम्म रुघा लागेको मान्छेबाट टाढा राख्ने।

३. चिसो तथा बासी खानेकुरा नखुवाउने।

४. पानी उमालेर मात्र पिउन दिने।

५ बच्चालाई रुघा खोकी लागेको छ भने केहीदिन घरमै आराम गराउने।

६. कोठामा बच्चाले खेल्ने ठाउँमा न्यानो कार्पेट ओछ्याउने।

७. घर बाहिर वा कतै घुम्न जाँदा मास्क लगाईदिने । जसले गर्दा बाहिरको प्रदुषित धुलो धुवाबाट बच्न र बचाउन सकिन्छ ।

८. सानो बच्चालाई तातो र झोलिलो खानेकुरा पटक–पटक ख्वाईराख्ने ।

९. तातो बाक्लो दाल ख्वाउने गर्नाले बच्चाहरु स्वस्थ हुन्छन् र आवश्यक क्यालोरी पनि पाउँछन्।

१०. चिसोमा बच्चाहरुले छिटो छिटो सु गर्ने भएकोले सुरुवाल फेरिराख्ने । इत्यादि ।