पुस ३० । ७३ वर्षे उप–मेयरले आफूभन्दा ४० वर्ष कान्छी प्रेमिकासँग विवाहका छन् ।

यो जोडीले दुई वर्षको डेटिङपश्चात् गत शुक्रबार विवाह गरेका हुन् । ओवेनले श्रीमतीको उमेर ठ्याक्कै त बताएनन् तर उनी आफ्नो तीसौं वर्षमा भएको जानकारी भने दिएका छन् ।

क्याम्ब्रिजसायरको मार्चका उप–प्रमुख किट ओवेनले आफ्नी फिलिपिनो बेहुली आइजालाई अनलाइनमा भेटेको जानकारी दिएका छन् ।

उनले भने, ‘फेस टाइम र ह्वाट्सएपमा हामीबीच उत्कृष्ट सम्बन्ध रह्यो त्यसकारण मैले अब हामीले एक अर्कालाई भेट्नै पर्छ भन्ने सोच बनाएँ ।’
एक वर्षसम्म इन्टरनेटमा डेटिङपश्चात् किट आइजालाई भेट्न फिलिपिन्स गए जहाँ उनले उनका साथी र आफन्तसँग समय बिताए ।

आइजालाई कसरी प्रस्ताव राखेको ठ्याक्कै थाहा नभएपनि आफूहरु एक–अर्कासँग निकै खुसी भएको उनले बताए ।

सन् २००८ मा उनकी श्रीमती बिभर्ली ओवनले मृत्यु भएको थियो । उनीबाट उनका दुई सन्तान लिजा र जोनथन छन् ।