चाबहिल–साँखु सडकखण्डः काम छिटो सम्पन्न गर्न कडा निर्देशन
नारीकोसिस डटकम मंसिर २७ काठमाडौं । पूर्वप्रधानमन्त्री एवं काठमाडौं क्षेत्र नम्बर–२ का सांसद माधवकुमार नेपालले चाबहिल–साँखु सडकखण्डाको काम छिटो सम्पन्न सम्पन्न गर्न निर्र्माण व्यवसाीलाई कडा निर्देशन दिनुभएको छ ।
चाबहिल–साँखु सडकको बिहीबार निरीक्षण गर्दै उहाँले विस्तारित सडकको काम गुणस्तरसहित काम छिटो भन्दा छिटो सम्मपन्न गर्न निर्देशन दिनुभएको हो ।
विस्तारित सडकको काम चित्तबुझ्दो नभएको भन्दै नेता नेपालले खाल्डाखुल्डी पुर्न र गुणस्तरीय पिच गर्नुपर्ने बताउनुभयो।
सत्तारुढ दल नेकपाका नेतासमेत रहेका उहाँले कानुनी र आर्थिक समस्या भए आफूले सामधान गर्ने भन्दै अन्य समस्या देखाएर काममा ढिलासुस्ती गर्न नपाउने समेत स्पापष्ट पार्नुभयो ।
साथै काममा सहजीकरणको लागि स्थानीय जनप्रधिनिधि तयार रहेकोले काममा कुनै पनि वहानबाजी गरेमा दन्डित गर्ने चेतावनी दिनुभयो ।
तपाईको प्रतिक्रिया