कागेश्वरी मनोहरा नगरपालिका स्वास्थ्य शाखाको चौमासिक समीक्षा कार्यक्रम सम्पन्न

नारीकोसिस डटकम मंसिर ३०, काठमाडौं । कागेश्वरी मनोहरा नगरपालिका स्वास्थ्य शाखाको आर्थिक वर्ष २०७६/७७ को प्रथम चौमासिक समीक्षा सम्पन्न भएको छ ।

नगरपालिकाका प्रमुख कृष्णहरि थापाको अध्यक्षता तथा प्रशासकीय अधिकृत गिरिराज ज्ञवाली र बालकृष्ण दाहालको उपस्थितिमा आइतबार सो समीक्षा कार्यक्रम सम्पन्न भएको हो ।

कार्यक्रममा नगरपालिका भित्र रहेका स्वास्थ्य चौकी, प्राथमिक स्वास्थ्य केन्द्र र सहरी स्वास्थ्य केन्द्रमा भएका कामहरूको समीक्षा गरिएको थियो ।

कार्यक्रममा प्रशासकीय अधिकृत ज्ञवालीले स्वास्थ्य क्षेत्र संवेदनशील क्षेत्र भएको उल्लेख गर्दै सबै कर्मचारीलाई गम्भीरतापूर्वक काम गर्न निर्देशन दिनुभयो । यसै गरी, नगरप्रमुख थापाले स्वास्थ्य कर्मीले सबै जनाको स्वास्थ्य प्रति गम्भीर भएर काम गर्नु पर्ने धारणा व्यक्त गर्नुभयो ।

स्वास्थ्य शाखाकी सह संयोजक लक्ष्मी कोइरालाका अनुसार वडा अध्यक्ष, वडा सदस्य तथा परिवार नियोजन सङ्घका शरद अर्यालका साथै स्वाथ्यकर्मीहरुको उपस्थिति रहेको थियो