वाशिङटन, १३ चैत्र । अमेरिकाको एक अस्पतालका ९ जना नर्स एकै पटक आमा बन्ने खबरले अहिले कौतुहलता मच्याएको छ ।

सीएनएनको रिपोर्टअनुसार आउँदो अप्रिलदेखि जुलाइ महिनाको बीचमा ती नर्सहरु आमा बन्न लागेका हुन् ।

अमेरिकाको मेन अस्पतालमा कार्यरत ती महिलाहरु आमा बन्न लागेपछि हर्सित भएका छन् ।

आमा बन्न लागेकी नर्स अमाण्डा स्पियर भन्छिन् ‘काममा आउँदा अरु गर्भवती महिलाहरुको बढ्दो पेटको आकार र एक अर्काको अनुभव साटासाट गर्दा एकदम खुशी लाग्छ ।’

अर्की नर्स एरिन ग्रन भन्छिन् ‘हामीले गर्भवती भएको घोषणा गरेसँगै हामी खुशी भयौं किनकी एक अर्काको लागि हामी छौं ।’

कार्यरत नर्सहरुले प्रसुती बिदा लिने समयको लागि अस्पतालले तयारी गरिरहेको बताएको छ ।