पासपोर्टको खोल बिक्रीमा प्रतिबन्ध

नारीकोसिस डटकम/पुस २७, काठमाडौं । सरकारले चल्तीमा रहेको राहदानीजस्तै देखिने खोल बिक्री वितरणमा प्रतिबन्ध लगाएको छ ।

राहदानी विभागले आइतबार एक सूचना जारी गर्दै राहदानीजस्तै देखिने हरियो खोल बिक्री वितरणमा रोक लगाइएको जानकारी गराएको हो । विभागले जारी गरेको सूचनामा उल्लेख छ, ‘झट्ट हेर्दा साधारण राहदानीजस्तो देखिने राहदानीको खोल खरिद बिक्रीमा प्रतिबन्ध लगाइएको हुँदा यस प्रकारको खोल बिक्री तथा खरिद नगर्नु हुन सर्वसाधारणमा अनुरोध गरिन्छ ।’

केही समययता राहदानी विभागनजिकैका क्षेत्रमा राहदानीको सुरक्षा हुने भन्दै यस्ता खोल बिक्री वितरण हुँदै आएका थिए।

झट्ट हेर्दा साधारण राहदानी जस्तो देखिने राहदानीको खोल (Passport Cover) खरिद बिक्रीमा प्रतिबन्ध लगाईएको हुदाँ यस प्रकारको खोल बिक्री तथा खरिद नगर्नु हुन सर्वसाधारणमा अनुरोध गरिन्छ ।

राहदानी विभाग
नारायणहिटी ।
२०७६ पौष २७ pic.twitter.com/xzNMnFzezl

— Nepal Passport (@DGPassport) January 12, 2020