पुस २९ । भारतीय कांग्रेस निकट अखिल भारत महिला कांग्रेसको महासचिवमा तेस्रो लिङ्गी अप्सरा रेड्डी नियुक्त भएकी छन् । उनलाई कांग्रेस अध्यक्ष राहुल गान्धीले महासचिव पदमा नियुक्त गरेका हुन् ।

महिला कांग्रेसको राष्ट्रिय महासचिव बनेकी अप्सरा पहिलो तेस्रो लिंगी हुन् ।

उनले महिलाहरुलाई आर्थिक रुपमा सशक्त बनाउन र उनीहरुको अधिकार रक्षाको लागि निरन्तर काम गरिरहने बताएकी छन् ।

अप्सरा जन्मदा केटाको रुपमा थियो भने पछि उनले लिंग परिवर्तन गरेकी हुन्। अष्ट्रेलिया र लण्डनमा पत्रकारिता पढेकी उनले अन्तर्राष्ट्रिय स्तरका धेरै मिडियाहरुमा पत्रकारको रुपमा काम गरिसकेकी छन् ।