नारीकोसिस डटकम/साउन १५, काठमाडौं । प्रतिनिधिसभा संसदको एउटा बैठक बस्दा ७ लाख रुपैयाँ खर्च हुने गरेको पाइएको छ ।

प्रतिनिधिसभाको बैठकको पुर्व तयारीदेखि सांसदहरुलाई उपलब्ध गराउने यातायात र बैठक भत्ता समेत जोड्दा प्रति बैठक दैनिक ७ लाख रुपैयाँ खर्च हुने गरेको संघीय संसद सचिवालयले जनाएको छ ।

यो बैठक कार्यकक्ष सरसफाइ, प्रविधि जाँच, सुरक्षा प्रबन्ध, जनशक्ति परिचालन, संसद भवनको बार्षिक भाडा, पानी बिजुलीलगायतमा हुने खर्चहरुको एकमुष्ट रकम हो ।

यसमा सांसदहरुलाई उपलब्ध गराउने भक्ता समेच जोडिएको संघीय संसदका प्रवक्ता डा। रोजनाथ पाण्डेले बताए ।
बैठक अवरुद्ध हुँदा पनि सचिवालयको यो खर्च कम हुने छैन ।

बैठक भत्ता वापत एक हजार र यातायात बापत १ हजार गरी प्रत्येक सांसद २ हजार रुपैयाँ उपलब्ध गराइने गरिएको छ । बैठक अवरुद्ध हुँदा कार्यसूचीलाई मात्रै प्रभाव पार्ने संसद सचिवालयका अधिकारीहरु बताउँछन् ।(अनलाइनखबर)