क्वाँटी विशेषगरी जनैपूर्णिमाको अवसरमा खाने परिकारको रुपमा बुझिन्छ । वर्षातको कामको चटारो सकिएसँगै आउने जनैपूर्णिमामा यसलाई खाने प्रचलन पहिलैदेखिको चलन भएपनि यसमा वैज्ञानिक आधार पनि छन् ।

खेतीबालीको काम गरेर कमजोर भएका किसानले उमारेको क्वाँटी खाँदा काममा खर्च भएको क्यलोरी र प्रोटिन पाउँछन् । क्वाँटीमा विभिन्न किसिमका गेडागुडी मिसाइएको हुन्छ । सबै किसिमका गेडागुडी मिसाउँदा त्यो पुर्ण प्रोटिन वा लगभग मासु वा अण्डा बराबरको हुन्छ त्यसैले यसलाई राम्रो प्रोटिन बराबर मानिन्छ ।

-क्वाँटीलाई उमारेर टुसा निकाल्ने गरीन्छ त्यो टुसा एन्टीअक्सिडेन्टको रुपमा प्रयोग हुन्छ जसले गर्दा रोग प्रतिरोधात्मक क्षमता वृद्धि गर्न मद्दत गर्छ ।

-उमारेको टुसामा फाइवर हुन्छ यसले नराम्रो कोलस्ट्रोल, सुगर र मोटोपन घटाउँछ ।

-रेसादार खानेकुरा राम्रो खानेकुरा हुने भएकाले क्वाँछीमा त्यो गुण भरिपूर्ण हन्छ ।

-प्रोटिन बढी भएको खाना भन्ने बितिकै यो कुपोषितका बिरामीलाई राम्रो हुन्छ ।

-सुगर, प्रेसर, मोटोपन तथा कलेजोका बिरामीका लागी पनि यो राम्रो मानिन्छ ।

-जुन – जुन रोगमा प्रोटिनको मात्रा बढाउनु पर्ने र कार्बोहाइडेडलाई घटाउनु छ भने क्वाँटी एकदमै राम्रो खाद्यन्न हो ।