नारीकोसिस डटकम/ जेठ २६, काठमाडौं । कागेश्वरी मनोहरा नगरपालिकाको आर्थिक सहयोगमा सोही नगरपालिकाका वडा नम्बर ९ अन्तरगतका वडासरसफाई तथा अनुगमन समितिले वातावरण तथा सरसफाई सम्बन्धित जनचेतनामूलक कार्यक्रम आयोजना गरेको छ ।

समितिले  “स्वच्छ सफा हरभरा बनाऔं कागेश्वरी मनोहरा” भन्ने नाराका साथ शनिवार गोठाटारमा एक प्रशिक्षणत्माक कार्यक्रम आयोजना गरिएको हो ।

उक्त कार्यक्रममा वातावरण सम्बन्धी डा. सुमित्रा अमात्य र बागमति सरसफाई अभियानता उत्तम पुडासैनीले सहभागीहरुलाई प्रशिक्षण दिनुभएको थियो ।

कार्यक्रममा सोही वडाका वडा अध्यक्ष कुन्दन खड्का, वडा संयोजक डोलनाथ पोखरेल ,कार्यपालिका सदस्य कला घिमिरे, नगरपालिका स्वास्थ्य शाखा प्रमुख लक्ष्मी कोइराला
लगायत विभिन्न संघ संस्थाका प्रतिनिधिहरु तथा स्थानीय जनताको सहभागीता रहेको थियो ।