नारीकोसिस डटकम/जेठ ३१, महोत्तरी । जिल्लाको सरपल्लो गाविसमा बुधबार साँझ पाँच वर्षीया बालिका बलात्कृत भएकी छिन् ।

सरपल्लो गाविस–१ बस्ने १६ वर्षीय रामउजित महतोले बालिकालाई बलात्कार गरेको जिल्ला प्रहरी कार्यालय महोत्तरीले जनाएको छ ।

सरपल्लो–१ स्थित आफ्नो आँपको फूलबारीमा बसिरहेको महतोले खेतबाट आफ्ना बुबालाई खाजा दिएर आउँदै गरेकी बालिकालाई जबरजस्ती तानेर फूलबारीमै रहेको गोठमा लगी बलात्कार गरेको प्रहरी उपरीक्षक शौरभ राणाले जानकारी दिए ।

जिल्ला प्रहरी कार्यालयबाट खटिगएको विशेष टोलीले बालिकालाई बलात्कार गरेको आरोपमा बुधबार साँझ नै महतोलाई पक्राउ गरी निजमाथि जबरजस्ती करणी मुद्दा चलाउने तयारी भइरहेको पनि उनले बताए ।