डेलिभरीपछि महिलाको जिम्मेवारी बढ्दै जाने भएकोले  आमाले आफ्नो स्वास्थ्यको ख्याल राख्नुपर्दछ । र, आफ्ना लागि डेली रुटिन बनाउन जरुरी हुन्छ । यस्तो रुटिन बनाउँदा डाइट र एक्सरसाइजका लागि पनि विशेष समय छुट्याउन आवश्यक हुन्छ ।

प्रेग्नेन्सी र डेलिभरीपछि महिलामा फ्याट र कोलेस्ट्रोलको मात्रा बढ्दै जान्छ । त्यसैले नियमित स्तनपान गराउँदा शरीरको मेटाबोलिजम पहिलेकै अवस्थामा आउन सहयोग मिल्छ र फ्याटको मात्रा पनि कम हुँदै जान्छ ।

प्रेग्नेन्सीका वेला शरीरलाई अलि बढी क्यालोरीको आवश्यकता हुन्छ । यस्तो समय जे खानुस् तर स्वस्थ खानुस् । जंकफुडबाट टाढै रहनुस् । मोनो र पोलिसेचुरेटेड फ्याट शरीरका लागि निकै राम्रो हुन्छ ।

डेलिभरी भएका महिलाले आफ्नो डेली रुटिनमा तातो पानी पिउने समय पनि राख्न जरुरी हुन्छ । तातो पानी पिउँदा शरीरका विषाक्त पदार्थ बाहिर निस्कन्छन् । यसले हाम्रो शरीरको तापक्रम र मेटाबोलिज्मको मात्रालाई पनि बढाउने काम गर्छ ।

प्राणायामजस्ता योगासनले छोटो समयमा तौल कम गर्न सहयोग पुर्याउँछ । यसलाई सामान्य योगबाट सुरु गर्न सकिन्छ ।