नारकिोसिस डटकम/जेठ २८, विराटनगर । दुईवटा पेस्तोल ८ राउण्ड गोलीसहित प्रहरीले एकजना भारतीय नागरिकलाई पक्राउ गरेको छ ।

सोमबार राति विराटनगर ९ को एक होटलबाट भारत सितामढी ग्राम पञ्चायत थान बैरगनिया ७ घर भएका २० वर्षीय कुनाल कुमारलाई पक्राउ गरेको हो ।

प्रहरीले चेकजाँच गर्ने क्रममा अटोमेटिक पेस्तोल थान १, सो पेस्तोलको म्याग्जिन थान १ र म्याग्जिनमा लोड भएको ४ राउण्ड बरामद भएको प्रहरीले जानकारी दिएको छ ।

उनकै साथबाट कटुवा पेस्तोल थान १, पेस्तोलमा लोड भएको गोली १ राउण्ड र उनको पाइन्टको गोजीमा ३ राउण्ड गोली भेटिएको जिल्ला प्रहरी कार्यालय मोरङका डीएसपी घनश्याम श्रेष्ठले जानकारी दिए ।

उनका अनुसार हतियारसहित पक्राउ परेका कुमारलाई जिल्ला प्रहरी कार्यालय मोरङमा राखेर अनुसन्धान गरिरहेको छ ।