नारीकोसिस डटकम/कात्तिक ४, काठमाडौं । फ्लोरिकल्चर एसोसिएसन नेपाल (फ्यान) द्वारा आयोजित  “गोदावरी फूलको प्रतियोगितात्मक प्रदर्शनी २०७६”  मेला सोमवार सम्पन्न भएको छ ।

शुक्रवारदेखि ललितपुरको जावलाखेल मैदानमा शुरु भएको  १३ औं पुष्प मेलाबाट करिव ५० लाख बरावरको कारोवार भएको फ्लोरिकल्चर एसोसिएसन नेपाल (फ्यान)का अध्यक्ष कुमार कसाजु श्रेष्ठ बताउनुभयो ।

एसोसिएसन का अध्यक्ष श्रेष्ठका अनुसार यस मेलाको मुख्य उदेश्य चाडबाडको बेलामा उपभोक्तालाई एकै ठाँउबाट फूल खरिद गर्न सजिलोहोस र उत्पादकले उचित भाउमा उत्पादित बस्तुको बजार पाउन भन्नु रहेको छ । साथै सो मेलामा आयोजकले ३५ हजार दर्शकले अवलोकन गर्ने र ५० लाख बराबरको कारोबार गर्ने लक्ष्य लिएको थियो र सो लक्ष्य पुरा भएको उहाँले जानकारी दिनुभयो ।

प्रदर्शनीमा व्यावसायिक स्टल ४४, सूचनामूलक ४ र गोदावरी फूलका प्रतिस्पर्धात्मक प्रदर्शनी स्टल १ सहित कुल ४९ वटा स्टल राखिएका थिए ।

यसवर्षको मेलामा विभिन्न मुलुकबाट माउबोटका रुपमा आयात गरी उत्पादन विस्तार गरिएका करिब १६ नयाँ प्रजातिका गोदावरी फूलसमेत प्रदर्शनीमा राखिएको थियो ।

पुष्प मेलाको उद्घाटन कृषि तथा पशुपक्षी विकास मन्त्री चक्रपाणि खनालले गरेका थिए । आयोजका अनुुुसार मेलाको अवलोकनका लागि सर्वसाधरणदेखि लिएर विद्यार्थी, अनुन्धानकर्ता, किसान, उद्योगी, कुटनीति नियोगका प्रतिनिधिहरु, विभिन्न दलका नेता लगायतका व्यक्तित्वहरु आउनु भएको थियो।