नारीकोसिस डटकम /कात्तिक १५, काठमाडौं । दक्षिण एसियाली खेलकुद (साग)को मिति नजिकिँदै जाँदा काठमाडौंको त्रिपुरेश्वरस्थित दशरथ रंगशालाको प्याराफिटमा सिट जडानको काम धमाधम भइरहेको छ ।

२०७२ सालमा गएको भूकम्पले क्षति पुर्‍याएपछि पुनर्निर्माण भइरहेको दशरथ रंगशालामामै १३ औंँ सागको उद्घाटन हुने भएकाले सीट जडानलाई तीव्रता दिइएको हो ।

आगामी मंसिर १५ देखि २४ सम्म काठमाडौं उपत्यका, पोखरा र जनकपुरमा साग आयोजना हुने भएकाले तयारीलाई तीव्रता दिएको छ ।

साधारण प्याराफिटतर्फ १५ हजार सिट राखिने छ ।

यसका साथै मंसिर ३ गते नेपालले कुवेतविरुद्ध विश्वकप छनोट खेल दशरथ रंगशालामै खेल्ने तयारी छ ।