जिप दुर्घटना हुँदा तीनजनाको मृत्यु, ६ जना घाइते

नारीकोसिस डटकम/पुस ११, मकवानपुर । मकवानपुरमा जिप दुर्घटना हुँदा तीनजनाको मृत्यु भएको छ भने ६ जना घाइते भएका छन् ।

इन्द्रसरोवर गाउँपालिका ओखरेडाँडामा यात्रीवहाक जिप दुर्घटना भएको हो ।

मृत्यु हुनेमा एक महिला र दुई पुरूष रहेको जिल्ला प्रहरी कार्यालय मकवानपुरले जनाएको छ ।

चन्द्रनिगाहपुरबाट काठमाडौंतर्फ जाँदै गरेकोे ना १ ज ३४३३ नम्बरको टाटासुमो शुक्रबार मध्याह्न १२ बजेतिर सडकबाट करिब ३०० मिटर तल खसेको र जिपमा सवार ६ जना घाइते भएको प्रहरीले जनाएको छ ।