खाना खानेबित्तिकै सुत्ने बानी छ ? छ भने यो पढ्नुहोस्….

नारीकोसिस डटकम असोज १२, काठमाडौं । आधुनिक समाजको विकाससँगै मानिसहरु प्राय सवैजसो व्यस्त जीवनशैली विताउन बाध्य छन् । जसले गर्दा खाना खाएर आराम गर्ने समय पनि मिलिरहेको हुँदैन । विशेष गरी दिनभरीको काम, तनावले गर्दा थाकेका मानिसहरू हरेक राति खाना खान साथ ढल्केर आराम गर्ने वा सुत्ने गर्छन् । धेरै कार्बोहाइड्रेट भएको खानाका कारणले मानिसहरूलाई जहिले पनि खाना खाएपछि सुस्त महसूस हुने गर्छ ।

जोकोहीलाई तातो खाना खाएपछि आँखा भारी हुन गइ निन्द्रा लाग्ने हुन्छ । तर, स्वास्थ्य विज्ञहरुका अनुसार खाना खाने बितिक्कै आराम गर्नाले वा सुत्नाले खाएको आना राम्रोसँग नपच्ने भएकाले स्वास्थ्यमा नकारात्मक असर पर्न जान्छ । खान खानेबितिक्कै पल्टिँदा वा सुत्ने गर्दा शरीरमा विभिन्न किसिमको रोगहरू लाग्ने सम्भावना बढेर जान्छ । अल्छीपन, शरीरलाई लाग्ने रोगबाट बच्न, तौल नियन्त्रण गर्न र आफूलाई स्वास्थ्य राख्नका लागि रातिको खाना खाएपछि सुत्ने गर्नु हुँदैन ।

खाना खाने बित्तिकै हरेकलाई निन्द्रा लाग्छ भन्ने हुँदैन । तर, अधिकाशं मानिसलाई खाना खानेबित्तिकै निन्द्रा लहना सक्छ, यस्तो बानीलाई विज्ञानको भाषामा ‘फूड कोमा’ भन्ने गरिन्छ ।

खानामा हुने अत्यधिक मात्राको कार्बोहाइड्रेटका कारण खाना खाएपछि शरीरमा इन्सुलिनको मात्रा बढ्न गइ ट्रिप्टोफेन निर्माण गरी मस्तिष्कमा पुर्याउने काम गर्छ । ट्रिप्टोफेन मस्तिष्कमा पुगेपछि सेरोटोनिन बनी मेलाटोनिनका कारणले मानिसलाई बिस्तारै निन्द्रा लग्न थाल्छ । खाना खानेबित्तिकै ढल्किने गर्दा वा सुत्दा पेटमा बोसो थुप्रेर पेट लाग्ने समस्या बढ्न जान्छ । मोटोपनाले मात्र पनि मानव शरीरमा विभिन्न प्रकारको रोगहरू उत्पन्न गराउने हुन्छ ।