एक शब्दको प्रयोगले पनि तपाईको सम्बन्ध सुमधुर बनाउँछ

नारीकोसिस डटकम /सबन्धलाई मानिसहरु बजारमा पाइने पुतलीसँग तुलना गर्छन् । पुतलीलाई जसरी राख्न मन लाग्यो आफ्नै मन खुसीले राख्छ । सम्बन्ध पनि त्यस्तै हो, एक – अर्कालाई आवश्यक भन्दा बढी केरकार गर्ने  र शंका बढी गरियो भने भित्रभित्रै सम्बन्धमा चिसोपना आउँदै जान्छ भने स्वतन्त्र छोडिदियो भने कता पुगिसक्छ थाहा नै हुदैँन । त्यसैले जीवन जति संवेदनशील छ सम्बन्ध पनि उत्तिकै छ ।

आजभोलि सम्बन्धहरु नाजुक बन्दै गइरहेका छन् । प्रविधि र विज्ञानको विकासले मानिसलाई अनावश्यक आवश्यकता र तनावतिर डोर्याइरहेको छ । मानिसहरु के कारणले सम्बन्धमा दरार आउँदै छ भन्ने कुरातर्फ कहिल्यै ध्यान दिदैनन् तर सम्बन्ध बिग्रिएकोमा भने गुनासो गर्दै हिँड्छन् ।

सम्बन्धमा तित्तता आउनुमा एक अर्काबीच हुने संवाद मुख्य हुने एक अध्ययनले देखाएको छ । मानिसहरुको बोलीले उनीहरुको सोचाई दर्शाउँछ । उनीहरु जस्ता शब्दहरु प्रयोग गरिरहेका हुन्छन्, ती शब्दहरुले मानिसको सोच्ने क्षमता कस्तो छ भन्ने पत्ता लाग्ने अध्ययनमा उल्लेख छ ।

अध्ययनले पार्टनरबीच हुने कुराकानीका क्रममा जो ‘हामी’ शब्दको प्रयोग गर्छन् ति व्यक्तिहरु निकै खुशी भएको पाइयो । वास्तवमा ‘हामी’ शब्दको प्रयोग गर्नेहरु एक–अर्काप्रति समर्पित हुने र हरेक पलमा साथ दिने गर्छन् । उनीहरु आफ्ना पार्टनरको ख्याल राख्ने गर्छन् । उनीहरु एक–अर्कालाई पाएकोमा खुशी महसुस गर्छन् र सम्बन्धमा सधैँ न्यायोपन ल्याइराख्छन् ।

सम्बन्ध सुमधुर बनाउँनका लागि एक अर्काको भावनालाई बुझ्ने, आदार मानसम्मान गर्ने, सानोतिनो कुरामा नरिसाउँने झगडा नगर्ने, आफ्नो साथीले गल्ती गर्दैछ भने मायाँले सम्झाउने गर्नुपर्दछ । तपाईको साथीलाई तपाईले राम्रो शब्द ‘एक शब्द किन नहोस्’ बोल्दियो भने  उ धेरै खुसी हुन्छन् । त्यसै कारण तपाईको एक शब्दले सम्बन्धलाई सुमुधुर बनाउँछ सघाउँछ ।