जागरण महिला अभियानद्धारा आयोजित चेतना मूलक प्रशिक्षण कार्यक्रम सम्पन्न ।

जागरण महिला अभियानद्धारा आयोजित एक दिने चेतना मूलक प्रशिक्षण कार्यक्रम सम्पन्न भएको छ । संस्कारयुक्त पारिवारीक एवं सामाजिक रुपान्तरणको लागि सकारात्मक सोच विषयक चेतनामूलक प्रशिक्षण कार्यक्रम  कागेश्वरी मनोहरा नगरपालिकाको समहकार्यमा सनसिटि पार्टी काँडाघारीमा सम्पन्न भएको हो ।

यस कार्यक्रमको मुख्य उदेश्य व्यक्तिमा सकारात्मक सोचको विकास गरी समाजलाई रुपान्तरण गर्नु रहेको संस्थाकी अध्यक्ष जानकी ऐरीले बताइन् । उक्त कार्यक्रममा मनोविद रविन कटुवालले प्रशिक्षण दिएका थिए ।

उक्त कार्यक्रममा विभिन्न सघं सस्थाका व्यक्तित्वहरु लगाएत स्थानीय वासीको उत्साहाजनक सहभागिता रहेको थियो ।