…जीवन साथी हौ तिमी
सुनिता तामाङ
वर्षा याममा उर्लिएको खहरे खोला झै
आवेगमा वग्ने खोला हैनौ तिमी
निरन्तर वगिरहने नदी झै
मेरो सुःख दुःखमा साथ दिने
जीवन साथी हौ तिमी
वसन्त क्रितुमा आँधिबेरीे आए झै
अचानक आउने समस्याको भुमरी हैनौ तिमी
वर्षातको झरीले भुमरीलाई शान्ता पारे झै
मेरा हर समस्याको समाधान दिने
जीवन साथी हौं तिमी
पोखरीको पानीलाई
डिलहरुले रोके झै
जीवनयात्राको बाधक हैनौ तिमी
मेरा हर यात्रामा सहयात्री बनिदिने
जीवन साथी हौ तिमी
टेलिफोनलाई तारले बाँधिए झै
सिमित घेराको धर्का हैनौ तिमी
मेरा हर ज्ञानलाई भण्डारण गरिदिने
जीवनसाथी हौ तिमी
तपाईको प्रतिक्रिया