बालबालिकालाई स्मार्टफोनको लतबाट जोगाउनुहोस्

नयाँ प्रविधिको विकाससँगै मान्छेहरूको आर्दश, दैनिकी तथा स्वभावमा निकै परिर्वतन आएको देख्न सकिन्छ ।

हरेक कुराको फाइदा सँगसँगै बेफाइदाहरू पनि हुने गर्दछन् । नयाँ डिजिटलको उत्पादन र सेवाहरूको विकास तीव्र गतिमा भइरहँदा हामीहरूलाई निकै सजिलो पनि भएको छ ।

आजकल बच्चाहरूलाई व्यस्त राख्ने वा फकाउने सबैभन्दा सजिलो उपाय ट्याबलेट र स्मार्टफोनको प्रयोग गरेको देखिन सकिन्छ ।

महत्वपुर्ण काममा व्यस्त हुनुपर्दा होस् या रोएको बेलामा फकाउन होस् अभिभावकहरूले मोबाईल दिएर बच्चालाई भुलाउने गर्दछन् । यसले बच्चाहरूमा घाँटी र आँखाको समस्या देखिने गरेको छ ।

यसका साथै स्मार्टफोन वा ट्याब्लेटको प्रयोगले बच्चाहरू एकोहोरो हुने, जिद्दी हुने तथा छिट्टै रिसाउने बानी लाग्दै आएका छन् । अभिभावकले खाना खाँदा, पढ्दा वा सुत्ने बेलामा फोनबाट टाढा राखेर आफ्नो बालबालिकाका हरेक क्रियाकलापमा सधैँ निगरानी राख्नुपर्छ । एक अध्ययनका अनुसार १३ वर्षमुनिका बच्चाहरू नयाँ प्रविधिको धेरै नजिक छन् ।

दुई वर्षभन्दा कम उमेरका बच्चाहरूखलाई कुनै पनि प्रविधिको प्रयोग नगराउन तथा त्यो भन्दा माथिका बच्चाहरूलाई दिनको दुई घण्टामात्र प्रविधिको प्रयोग गर्न चिकित्सकहरू आग्रह गरेका छन् । साथै बच्चाहरूलाई स्मार्टफोन र ट्याब्लेटको संसारबाहिर सामाजिक अन्र्तक्रियामा बढी सहभागी हुन जोड दिनुपर्ने उनीहरूको आग्रह छ ।