टिपर र मोटरसाइकल आपसमा ठोक्किँदा २ जनाको मृत्यु
माघ २१, विराटनगर । झापाको दमकमा टिपर मोटरसाइकल आपसमा ठोक्किदा २ जनाको मृत्यु भएको छ ।
दमक नगरपालिका–१ बरगाछीमा बुधबार दिउँसो दमकबाट रामचोकतर्फ जाँदै गरेको मे १ ख २८८४ नम्बरको टिपरमा दुर्गा मन्दिरबाट पेल्टीमारीतर्फ जाँदै गरेको प्र १–०१–०१८ प ८३०३ नम्बरको मोटरसाइकल ठोक्किएर दुर्घटना हुँदा २ जनाको मृत्यु भएको हो ।
दुर्घटनामा मोटरसाइकल चालक इलामको चुलाचुली गाउँपालिका–४ का २२ वर्षीय प्रवेश राई र पछाडि सवार १९ वर्षीय जनम राईको मृत्यु भएको झापा प्रहरीका प्रवक्ता डीएसपी खगेन्द्रबहादुर खड्काले बताउनुभयो ।
दुर्घटनामा गम्भीर घाइते भएका दुवै जनालाई उपचारका लागि दमक अस्पतालमा लगिएको तर अस्पताल पुर्याउनसाथ दुवै जनालाई चिकित्सकले मृत घोषित गरिएको प्रहरीले जनाएको छ ।
दुर्घटना लगत्तै प्रहरीले टिपर र चालक उदयपुरको त्रियुगा नगरपालिका–९ रातमाटेका ३२ वर्षीय हिवराज रायलाई नियन्त्रणमा लिएको छ ।
तपाईको प्रतिक्रिया