श्रीमानद्धारा आफ्नै श्रीमतीमाथि एसिड प्रहार, ४ पक्राउ

नारी कोसिस डटकम/ पुस–१९, भरतपुर । चितवनमा श्रीमानद्धारा आफ्नै श्रीमतीमाथि एसिड प्रहार गरेको छ । पोखरा महानगरपालिका–२९, आदर्शनगर बस्ने ४७ वर्षीय वीरेन गुरूङले ससुरालीमै गएर श्रीमती डोल्मा रूम्बालाई एसिड प्रहार गरेका हुन् ।

घाइते रुम्बाको चितवन मेडिकल कलेजमा उपचार भइरहेको छ । उनको अवस्था सामान्य रहेको प्रहरीले जनाएको छ ।

बुधबार ध्रुवबजार माइतमा बसिरहेको अवस्थामा श्रीमती २० वर्षीय डोल्मालाई पोखरा बस्दै आएका वीरेनले गाडी रिजर्भ गरेर चार साथीसहित भरतपुरसम्म आएर एसिड प्रहार गरेको चितवन जिल्ला प्रहरी कार्यालयका प्रहरी उपरीक्षक सुशीलसिंह राठौरले जानकारी दिनुभयो।
घटनामा संलग्नहरुलाई नियन्त्रणमा लिएको र घटनाका सम्बन्धमा थप अनुसन्धान भइरहेको प्रहरी प्रहरीले जनाएको छ ।

पारिवारिक मनमुटावका कारण घटना भएको प्रारम्भिक अनुसन्धानबाट खुलेको प्रहरीको भनाइ छ ।