मेथीको सागमा पौष्टिक तत्व

नारी कोसिस डटकम/हिजो आज हरियो सागसब्जीले बजार भरिभराउ छ । मेथी देखि लिएर रायो चम्सुर, पालुङ्गो लगायतका अनेकौ साग अहिले बजारभरी देख्न सकिन्छ । यस्ता सागसब्जी जति स्वादिलो हुन्छ, यसमा रहेको पौष्टिक तत्वले शरीरलाई त्यति नै पोषण प्रदान गर्छ ।
मेथीको सागले शरीरलाई अनेकौं समस्याबाट मुक्ति दिन्छ ।

१. कब्जियत, ग्यास्ट्रिक लगायत पेटसम्बन्धी समस्या समाधान हुने गर्छ ।

२. मेथीको साग खानाले जोर्नीको दुखाई समेत कम हुन्छ ।

३. जुका वा किरा पर्ने समस्याको समाधान गर्छ ।

४. मेथीले चिसो लाग्नबाट शरिरलाई जोगाउँछ । चिसोका कारण हुने विभिन्न संक्रमणबाट बच्न सकिन्छ ।

५. मधुमेहका बिरामीका लागि पनि मेथी निकै फाइदाजनक मानिन्छ । प्रत्येक दिन मेथीको पत्ताको रस निकालेर पिउने ।

६. अनुहारको सुन्दरता बढाउन पनि मेथी निकै लाभदायक मानिन्छ । मेथीलाई पिसेर लगाउने ।

७. मेथीको पत्तामा प्याज हालेर खाएमा उच्च रक्तचापको समस्या कम हुने गर्छ भने न्यून रक्तचाप भएका व्यक्तिका लागि मेथी मिसाइएको तरकारी निकै लाभदायक मानिन्छ ।

८. नियमित रुपमा मेथीको सेवनले मुटुसम्बन्धी समस्या कम गर्न मद्दत गर्छ । यसले हृदयघातको सम्भावनालाई न्यून बनाई शरीरलाई स्वस्थ राख्न मद्धत गर्छ ।

९. तौल नियन्त्रित गर्न समेत मद्दत गर्छ । , शरीरमा जमेको बोसो क्रमिक रुपमा कम हुँदै जान्छ ।

१०. बारम्बार पिसाब लागेमा मेथीको पत्ताको रसलाई नियमित रुपमा सेवन गरेमा यो समस्या तुरुन्तै कम हुने गर्छ ।