भेनस समाजसेवा सम्मानद्वारा सबिता उप्रेती सम्मानित
नारीकोसिस डटकम/फागुन ११, काठमाडौं । भेनस पब्लिक स्कुल र कलेज गोकर्णेश्वर-८, जोरपाटी बेसिगाउँ काठमाण्डौँले लामो समयदेखि अटिजम भएका बालबालिकाहरुको सेवामा समर्पित सामाजिक अभियान्ता साथै विशेष स्कुल तथा विशेष स्कुल तथा पुर्नस्थापना केन्द्र (SSRD) की अध्यक्ष सुश्री सबिता उप्रेतीलाई नगद रु.पाँच हजार पाँच सय पच्पन्न सहित सम्मान गरेको छ ।
अभिभावक दिवसको अवसरमा स्कुलको अध्यक्ष पेम्बाछिरी शेर्पा, प्रमुख अतिथि प्रतिनिधि सभा माननीय कृष्ण राई ,बिशिष्ठ अतिथि गोकर्णेश्वर नगरपालिकाको उपमेयर शान्ति नेपाल र प्रिन्सिपल नेत्र प्रसाद दाहाल र एकेडेमीक डाइरेक्टर कृष्ण गौतमले संयुक्त रुपमा बिशेष सम्मान गरिएको हो । भेनसले सामाजिक उत्तरदायित्व अन्तर्गत स्थानीय जेष्ठ नागरिकहरुलाई पनि सम्मान गरेको छ ।
अत्यन्त प्रतिकूल समय र परिस्थितिमा समेत निर्भीक र निस्वार्थ भई नेपालमा अटिजम भएका बालबालिकाहरुलाई माया र अवसर प्रदान गरे उनीहरु पनि सबल र संक्षम हुन सक्छन् भन्ने सन्देश बोकेर नेपाली समाजमा अटिजम सम्वन्धी सचेतना र प्रत्यक्ष सेवामा समर्पित भई समाजमा सकारात्मक सन्देश पुर्याउदै बिगत लामो समय देखि विशेष स्कुल तथा पुनर्स्थापना केन्द्र (SSRD) स्थापना गरि सामाजिक सेवामा देखाउनु भएको योगदानको उच्च मुल्यांकन भनि यो सम्मान गरियो ।
उप्रेतीले शुभकामना मन्तव्यमा धन्यबाद दिदै यो सम्मानले थप काम गर्ने हौसला बढनुको साथै जिम्मेवारी थपिएको बताउनु भयो । काठमाडौको पेप्सिकोलामा रहेको उहाको संस्थामा ४५ जना बालबालिकाहरुले शिक्षा, विभिन्न थेरापी सेवा र सिपमूलक तालीमहरु पाइरहेका छ्न भने थेरापिष्ट, डाक्टर, साईकोलोजिष्ट लगाएत २६ जना कर्मचारीहरु कार्यरत छन्।
तपाईको प्रतिक्रिया