महाकाली नदीको पानी पिउन अयोग्य

नारीकोसिस डटकम /चैत ११, डडेल्धुरा । नेपाल भारतको सीमा महाकाली नदीको पानी दूषित रहेको पाइएको छ । पानीको शुद्धिरण मापन गर्दा नदीबाट पानी सिधैं पिउन योग्य नरहेको पाइएको हो ।

महाकाली नदीमा मिसिने नेपाल–भारत दुवै तर्फका खोलाको पानीको शुद्धता गुणस्तर मापन गर्दा सिधै पिउन योग्य नरहेको भेटिएको हो ।

विश्व पानी दिवसका अवसरमा पहिलो पटक पानीको शुद्धता गुणस्तर मापन गर्दा दूषित पानी रहेको पाइयो । ‘वल्ड वटर डे’ को अवसरमा शुक्रबार वातावरण विधको उपस्थितीमा समुदायका स्थानीयहरुलाई नै पानीको शुद्धता गुणस्तर मापन गराउँदा खोलाबाट पानी सिधैं पिउनका लागि उपयोग गर्न नसकिने पाइएको हो ।

पानी शुद्धीकरण गुणस्तर मापन गर्दा अपनाइने विधिहरूमध्ये स्थानीयले नै जानकारी लिन सक्ने गरी जिपिएस तरिकासँगै पिएच पानीको गुणस्तर, टिडिएस पानीमा घुलित तत्व, डिओ जैविक तत्वको मात्रा र टिएम तापक्रम मापन गर्दा खानयोग्य नरहेको पाइयो ।

वातावरणविद् जोशीका अनुसार स्थानीयले नै शुद्धीकरण गुणस्तर मापन गर्ने गरी दुई वटा मेसिनको प्रयोग गरी नेपाल तर्फको रंगुन–पन्तुरा खोला र भारततर्फको चल्थी नालाको पानीको नमुना संकलन गरी जाँच गरिएको थियो ।