विप्लवका दुई विद्यार्थी नेता पक्राउ
नारीकोसिस डटकम/चैत १८, पोखरा । कास्की प्रहरीले नेत्रविक्रम चन्द ‘विप्लवको नेकपा समूह निकट २ विद्यार्थीलाई सोमबार पक्राउ गरेको छ ।
पक्राउ पर्नेमा क्रान्तिकारी विद्यार्थी संगठनका पिएन क्याम्पस संयोजक प्रकाश बास्तोला र विद्यार्थी नेता उज्वल पुन छन् ।
प्रहरीले प्रदर्शनस्थलमा भिडियो खिच्न पुगेका नेपाल पत्रकार महासंघ कास्कीका निवर्तमान उपाध्यक्ष राजेन्द्र अधिकारीलाई समेत नियन्त्रणमा लिएको थियो । तर उनलाई केही समयपछि रिहा गरेको एसपी ओम रानाले जानकारी दिए ।
सरकारले ‘विप्लव’ समूहमा प्रतिबन्ध लगाइसकेपछि उनीहरुको गतिविधिमा रोक लगाउन कास्की प्रहरीले प्रदेश र जिल्ला समूहका कार्यकर्तालाई नियन्त्रणमा लिइरहेको छ ।
घटनाबारे थप अनुसन्धान भइरहेको प्रहरीले जनाएको छ ।
तपाईको प्रतिक्रिया