रक्सौल परवानीपुर प्रसारणलाइन ठप्प: हावाहुरीले विद्युतका दुई हजार पोल ढले
नारीकोसिस डटकम/चैत १८, काठमाडौं । बारा र पर्सामा आइतबार राति आएको हुरीबसातका कारण विद्युतीय पोल र प्रसारणलाइनमा क्षति पुग्दा झण्डै १५ करोडको नोक्सानी भएको छ ।
प्राधिकरणका अनुसार हावाहुरीले परवानीपुर–वीरगंज ६६ केभी डबल सर्किट लाइनमा क्षति पुग्दा विद्युत आपूर्ति नै बन्द भएको छ । वीरगंज–कलैया ३३ केभी लाइन क्षतिग्रस्त भएको छ ।
यस्तै भारतबाट आयात गरिने १३२ केभी क्षमताको रक्सौल–परवानीपुर प्रसारण लाइन तथा ३३ केभीको रक्सौल–वीरगंज प्रसारण लाइन क्षतिग्रस्त भएको छ । सो प्रसारण लाइनबाट हुने विद्युत आपूर्ति ठप्प भएको छ ।
हावाहुरीका कारण भएको क्षति र विद्युत आपूर्ति बन्द हुँदा परेको असुविधाप्रति प्राधिकरणले दुःख व्यक्त गरेको छ । साथै जतिसक्दो छिटो प्रभावित क्षेत्रमा अवरुद्ध विद्युत सेवा सुचारु गराउने काम शुरु भइसकेको प्राधिकरणले जनाएको छ ।
स्थानीय स्तरमा रहेका प्राविधिकलाई पनि समस्या समाधान गरी विद्युत सेवा सुचारु गर्ने कार्यमा खटिन प्राधिकरणको निर्देशन छ ।
तपाईको प्रतिक्रिया