११७ वर्षिया बाटुलिलाई मासिक १० हजार दिने निर्णय
नारीकोसिस डटकम/बैशाख १८, नुवाकोट । ककनी गाउँपालिकाले सोही गाउँपालिका ८ की ११७ वर्षीया बाटुली लामिछानेलाई मासिक १० हजार दिने निर्णय गरेको छ ।
गाउँपालिकाले लामिछानेलाई स्वास्थ्योपचरा तथा पोषण खाद्यपदार्थमा खर्च गर्ने गरी उनलाई सो रकम दिने निर्णय गरेको हो । गाउँपालिका अध्यक्ष मानबहादुर लामाका अनुसार गत माघदेखि लामिछानेको नाममा मासिक पाँच सय रुपैयाँ सहकारीमा जम्मा गरिँदै आइरहेका थिए । त्यसैलाई निरन्तरता दिँदै गाउँपालिकाले लामिछानेलाई आफ्नै जन्मदाता सम्झेर आर्थिक सहयोग गरेको अध्यक्ष लामाले बताउनुभयो ।
विश्वकै सबैभन्दा बढी उमेरकी जीवित महिला भनेर दाबी गरिएकी बाटुलीलाई गिनिज बकु वल्र्ड रेकर्डमा समावेश गर्न गाउँपालिकाले सम्बन्धित निकायलाई पत्र पठाएको गाउँपालिकाकी उपप्रमुख सीता खतिवडाले बताउनुभयो ।
लामिछानेलाई गाउँपालिकाले सोमबार एक कार्यक्रमको आयोजना गरि ह्वील चियर समेत वितरण गरेका थिए ।
तपाईको प्रतिक्रिया