महिला आयोगद्धारा आयोजित महिला अधिकार विषयक सार्वजनिक सुनुवाई कार्यक्रम सम्मपन्न
नारीकोसिस डटकम/बैशाख ३०, काठमाडौं । राष्ट्रिय महिला आयोगद्धारा आयोजित महिला अधिकारका विषयमा सार्वजनिक सुनुवाई तथा अन्तरक्रियात्मक कार्यक्रम सम्मपन्न भएको छ । सोमवार कोगेश्वरी मनोहरा नगरपालिका डाँछीमा सम्मपन्न उक्त कार्यक्रममा सो नगरपालिकाका नगरप्रमुख कृष्णहरी थापाको प्रमुख आतिथ्यमा सम्मन्न भएको हो ।
कार्यक्रममा नगर प्रमुख कृष्णहरी थापा, नगर उप्रमुख विन्दु पुडासैनी सिंखडा, नगर प्रवक्ता राजाराम पुडासैनी , प्रमुख प्रशासकिय अधिकृत विजयराज सुवेदी लगायत महिला आयोगका प्रतिनिधिहरुको सभागीतामा महिला अधिकारका विषयमा वृहत्त छलफल भएको हो । साथै महिला तथा वालवालिका शाखाले गरिने कार्यक्रमहरु स्थानीय आम महिलाहरुमाझ सेवा सुविधा पुगेको छ कि छैन भन्ने विषयमा पनि सम्बन्धित निकायका प्रतिनिधि तथा स्थानीय महिलाहरुविच अन्तरक्रिया भएको थियो ।
कार्यक्रममा बोल्दै नगर प्रमुख कृष्णहरी थापाले नगरपालिकाले महिलाका हकहितका लागि धेरै कार्यक्रमहरु मार्फत सम्बोधन गरीएको र उनिहरुले आर्थिक रुपमा सबल भई आफुलाई स्थापित गर्नुपर्ने कुरामा जोड दिदै केहि व्यवस्थापनका कुराहरु मिलाउदै जादा भोग्नु परेका समस्यालाई समाधानका लागि आगामी निति तथा कार्यक्रममा समावेश गरिने बताउनु भयो ।
त्यसैगरी उप -प्रमुख विन्दु पुडासैनी सिंमखडाले महिलाहरुलाई हिंसा नसहन आग्रह गर्दै महिलाहरुले आपसमा मेलमिलापको वातावरण सिर्जना गरी क्षमताको विकास गर्दै अघी बडेमा यस नगरपालिकालाई सुन्दर वनाउन सकिने कुरामा जोड दिनुभयो ।
महिला तथा वालवालिका शाखा प्रमुख सविना श्रेष्ठ र महिला स्वास्थ्या प्रमुख लक्ष्मी कोइरालाले महिला लक्षित विभिन्न कार्यक्रमहरुबारे सार्वजनिक गर्नुभएको थियो ।
कार्यक्रममा सहभागी महिलाहरुले नगरपालिकाले छुटाइएको महिला लक्षित बजेटहरु सम्झौता गर्न जाँदा ,धेरै सास्ती भोग्नुपरेको समस्या बताउदै वडा स्तरीय वजेटहरुलाई वडामा नै सम्झौता गर्ने अधिकार दिए ती कार्य गर्न महिलाहरुलाई केही सहज हुने भन्ने लगायत विविध विषयमा सहभागी महिलाहरुले आ–आफ्ना भनाई राखेका थिए ।
सहभागीहरुको गुनासा, जीज्ञासहरुको जफावमा प्रमुख प्रशासकिय अधिकृत, नगर प्रवक्तालले संघिय सरकारले तोकेको नियम अनुसार सम्बोधन गरी आगामी दिनमा व्यवस्थापन गरीने कुरा स्प्रष्ट पानुभयो ।
कार्यक्रमा स्थानिय महिला जनप्रतिनिधि, सुरक्षाकर्मी र विभिन्न समूहका महिला प्रतिनिधिहरुको उपस्थिति रहेको थियो ।
तपाईको प्रतिक्रिया