नवलपुरमा हावाहुरीले ३ सय भन्दा बढी घरमा क्षति
नारीकोसिस डटकम/जेठ ८, नवलपरासी । पूर्वी नवलपरासीमा गएराति असिना पानीसहित आएको हावाहुरीले दर्जनौं घरहरुमा क्षति पुर्याएको छ । मानवीय क्षति भने भएको छैन ।
दर्जनौं घरमा क्षति पुगे पनि हुरीले पुर्याएको क्षतिको यकिन तथ्यांक आइनसकेको प्रहरीले जनाएको छ ।
हुरीले ठाउँ ठाउँमा बिजुलीको पोल, रुख ढालिदिएको छ । यसले विद्युत तथा सवारी आवागमन प्रभावित भएको छ । देवचुली आधारभूत विद्यालय र भीमसेन मावि लगायत केही विद्यालयको छानो पनि हावाले उडाइदिएको छ ।
हुरीको असर देवचुली नगरपालिकाको ६, ७, ८, ९, ११, १२ र १४ वडामा परेको छ । तर, यीमध्ये सबैभन्दा बढी असर वडा नं ७ मा देखिएको छ ।
हुरीसँगै आएको असिना पानीले किसानका तरकारीलगायतका बालीमा पनि नोक्सानी पुगेको छ ।
तपाईको प्रतिक्रिया