ग्वार्को आकाशे पुलबाट हाम फालेका कीर्तिमान राईको उपचारको क्रममा मृत्यु
नारीकोसिस डटकम/जेठ ९, काठमाडौं । कोटेश्वर कलंकी सडकखण्डस्थित ग्वार्को आकाशेपुलबाट हाम फालेर घाइते भएका एक जनाको उपचारका क्रममा मृत्यु भएको छ ।
बिहीबार विहान ६१० बजे पुलबाट हाम फालेका ताप्लेजुङ हाङपाङका ६० वर्षीय कीर्तिमान राईको बिएण्डबी अस्पतालमा उपचारको क्रममा मृत्यु भएको सातदोबाटो प्रहरीले जनाएको छ । पुलबाट सडकमा हाम फाले पनि विहान सवारी साधन कम चलेकोले राई थप दुर्घटनाबाट जोगिएका थिए ।
राई केही तनावमा भएको बताइए पनि पुलबाट हाम फाल्नुको कारण नखुलेको प्रहरीले बताएको छ । शवको पोष्टमार्टम गरी परिवारको जिम्मा लगाइने प्रहरीले बताएको छ ।
राई अहिले कोटेश्वरमा रहेको आफ्नै घरमा बस्दै आएका थिए ।
तपाईको प्रतिक्रिया