तातोपानी नाका सञ्चालन तयारी तीव्र
नारीकोसिस डटकम/जेठ १०, सिन्धुपाल्चोक । चीनले अर्को साताबाट तातोपानी नाका सञ्चालनमा ल्याउने बताइरहेका बेला नेपाली पक्षले तयारी तीव्र पारेको छ ।
बाह्रबीसे नगरपालिकाको खुर्सानीबार नजिकैको साँधी खोल्साको पुलले नाका सञ्चालनमा अवरोध गर्ने चिन्ता बढिरहेका बेला त्यहाँ १४ मिटर लामो बेलिब्रिज जडान भएको छ ।
गत वर्षको बाढीले बाह्रबीसे नगरपालिकाको खुर्सानीबार नजिकै रहेको साँधी खोल्साको पुल बगाएर लगेको थियो ।
बेलीब्रिज जडानपछि अबखोलालाई तटबन्ध बनाएर व्यवस्थित गर्न नगरपालिकाले काम सुरु गरेको बाह्रबीसे नगरपालिकाका मेयर निमफुञ्जो शेर्पाले जानकारी दिए ।
साँधी खोल्सामा पक्की पुल भने अर्कौ वर्ष मात्रै निर्माण गरिने छ ।
सडक निर्माण कार्य तीब्र भइरहेको छ । तातोपानी नाका सञ्चालनको मिति नजिकिँदै गर्दा अरनिको राजमार्गका विभिन्न स्थानमा सडक मर्मत तथा स्तोरन्नतिको काम अघि बढाइएको डिभिजन सडक कार्यालय, दोलखाका प्रमुख धर्मेन्द्र झाले जानकारी दिए ।
तपाईको प्रतिक्रिया