वाल तथा मातृ मृत्युदर न्युन गर्न महिला स्वास्थ्य स्वयंसेविकाहरूको महत्त्वपूर्ण भूमिका हुन्छः कृष्णहरी थापा
नारीकोसिस डटकम/जेठ १५, काठमाडौं । कागेश्वरी मनोहरा नगरपालिकाका नगरप्रमुख कृष्णहरी थापाले विभिन्न कारणले हुने वाल तथा मातृ मृत्युदर न्युन गर्न महिला स्वास्थ्य स्वयंसेविकाहरूको महत्त्वपूर्ण भूमिका भएको बताउनुभएको छ । मंगलबार पूर्ण खोप सुनिश्चितता दिगोपन दिवस तथा महिला स्वास्थ्य स्वयंसेविका सम्मान कार्यक्रमलाई सम्बोन्धन गर्दै खोप अभियानलाई निरन्तरता दिन आवश्यक रहेको र यस अभियान सफल बनाउन स्वयसेविकाहरुले मत्वपूर्ण भूमिका खेलेको बताउनुभएको हो ।
साथै नगरप्रमुख थापाले देश संघीय प्रणालीमा गएसंगै स्वास्थ्यको सेवालाई स्थानीय सरकार मातहतमा लगिएपछि स्थानीय सरकारहरुले खोपको अवस्थाबारे तथ्यांक राख्नुपर्ने भन्दै उहाँले कुनै पनि बालबच्चा खोपबाट बन्चित हुन नहुने बताउनुभयो।
यसै गरी उहाँले स्वयंसेविकाहरुमा निस्वार्थ सेवाको भाव भएको उल्लेख गर्दै सो भावको कदर गर्दै उनीहरुलाई केहि सुबिधा दिन सकेको खण्डमा अझ काम गर्नमा प्रोत्साहन मिल्ने बताउनु भयो । त्यसको लागि नगरपालिकामा भएका १२४ जना महिला स्वास्थ्य स्वयं सेविकालाइ एउटा कोष खडा गर्न अनुरोध गर्नुभयो। जुन कोषमा प्रत्येक वर्ष नगरपालिकाले पनि केहि रकम कोषमा राख्न सकिने भन्दै कोषमा जम्मा भएको रकम बाट बिभिन्न कार्यक्रम संचालन गर्न सकिने समेत बताउनुभयो।
कागेश्वरी मनोहरा नगरपालिकाले मंगलबार स्वच्छ सफा हराभरा बनाउ, कागेश्वरी मनोहरा भन्ने मूल नारासहित पूर्ण खोप सुनिश्चितता दिगोपन दिवसतथा महिला स्वास्थ्य स्वयंसेविका सम्मान कार्यक्रम आयोजना गरेको थियो ।
तपाईको प्रतिक्रिया