महादेवटोल उद्घोषण उपभोक्ता समितिद्वारा आयोजित १० दिने उद्घोषण तालिम सम्पन्न

नारीकोसिस डटकम/रमिला तामाङ/जेठ ११, काठमाडौं । कागेश्वरी मनोहरा नगरपालिकाको आर्थिक सहयोगमा  महादेवटोल महिला उपभोक्ता समितिद्धारा आयोजित १० दिने उद्घोषण तालिम सम्पन्न भएको छ । शनिबार कागेश्वरी मनोहरा नगरपालिका वडा न ५, थलीमा सम्पन्न उक्त कार्यक्रम सोही नगरपालिकाका नगर उप-प्रमुख बिन्दु पुडासैनी सिम्खडाको प्रमुख आतिथ्यमा सम्पन्न भएको हो ।

कार्यक्रमलाई सम्बोन्धन गर्दै नगर उपप्रमुख बिन्दु पुडासैनीले नेपाली समाज पुरुषप्रधान समाज भएकोले नारीहरुलाई उत्तिकै सम्मान हुनुपर्ने र नारी र पुरुष बिना संसार नचल्ने भएकोले समान अधिकार हुनुपर्ने बताउनुभयो । साथै नारी घरको लक्ष्मी भएको र महिला र पुरुष समान रुपले आगाडि बढेमा सुमुधुर संसारको निर्माण हुने बताउनुभयो ।

यसै गरी तालिममा सहभागी प्रशिक्षार्थीले कुनै पनि कार्यक्रममा वा मासमा वोल्दा थर–थर काम्ने हातहरु दश दिने उद्घोषण तालिमले आफूहरुमा केही परिवर्तन भएको भन्दै खुशी व्यक्त गर्नुभएको थियो ।

कार्यक्रममा कागेश्वरी मनोहरा ५ नगरपालिकाकी कार्यपालिका वडा सदस्य बबिता दाहाल, प्रशिक्षक निर्मला सापकोटा संजेल, लगाएत प्रशिक्षार्थीहरुको  सहभागीता रहेको थियो ।

सो १० दिने तालिममा  ४५ जना विद्यार्थीहरु सहभागी भएका थिए । सहभागी विद्यार्थीहरुलाई कोसिस मल्टिमिडियाकी निर्देशक निर्मला सापकोटा संजेलले प्रशिक्षण दिनुभएको थियो ।