काठमाडौंको भृकुटीमण्डपमा घरेलु प्रर्दशनी हुने
नारीकोसिस डटकम/जेठ २०, काठमाडौं । यही जेठ २२ गतेदेखि काठमाडौंको भृकुटीमण्डपमा ३० औं राष्ट्रिय लघु घरेलु तथा साना औद्योगिक प्रर्दशनी २०७६ आयोजना हुने भएको छ ।
नेपाल घरेलु तथा साना उद्योग महासंघले सोमबार काठमाडौंमा पत्रकार सम्मेलन गरी सो प्रर्दशनी जेठ २२ गतेदेखि आयोजना गर्न लागिएको जानकारी गराएको हो ।
यसअघि महासंघले सो प्रर्दशनी बैशाख २६ गतेदेखि ३० गतेसम्म गर्ने घोषणा गरेको थियो । तर समय अभावमा कारण त्यतिखेर आयोजना गर्न नसकिएको सो प्रर्दशनी आगामी बुधबारबाट सुरु हुने महासंघका अध्यक्ष श्यामप्रसाद गिरीले जानकारी दिए ।
नेपालको घरेलु तथा साना उद्योगहरुको उत्पादन अन्तर्राष्ट्रिय बजारमा समेत प्रबद्धर्धन गर्ने उद्देश्यका साथ सो प्रर्दशनी आयोजना गरिएको हो ।
पाँच दिनसम्म चल्ने प्रर्दशनीमा ७७ वटै जिल्लाका घरेलु उत्पादनहरुको करिव २ सय वटा स्टलहरु रहनेछन् । प्रर्दशनीको १ लाख ५० हजारभन्दा बढिले अवलोकन गर्ने तथा ५ करोड बढि आर्थिक कारोवार हुने अपेक्षा गरिएको छ ।
तपाईको प्रतिक्रिया