काँडाघारी सेवा समाजद्वारा आयोजित वृक्षारोपन कार्यक्रम सम्पन्न
नारीकोसिस डटकम/जेठ २२ काठमाडौं । कागेश्वरी मनोहरा नगरपालिका ९, अन्तरगत एकिकृत काँडाघारी सेवा समाज, वडा सरसफाई तथा अनुगमन समितिद्वारा आयोजित वृक्षरोपन कार्यक्रम सम्मपन्न भएको छ ।
बुधवार काँडाघारीमा विश्व वातावरण दिवसको अवसरमा आयोजित सो कार्यक्रम “वातावरण जोगाऔं हरियाली प्रवद्धन गरौं” भन्ने नाराका साथ वृक्षारोपन गरी सम्मन्न भएको हो ।
उक्त कार्यक्रमका प्रमुख अतिथि तथा कागेश्वरी मनोहरा नगरपालिकाका नगरप्रमुख कृष्णहरी थापाले वृक्षारोपन गरी उद्घाटन गर्नुभएको हो ।
कार्यक्रममा जिल्ला डिभिजन वन कार्यलय, काठमाडौले विरुवा उपलब्ध गराई सहयोग गरेको आयोजकले जनाएको छ ।
सो कार्यक्रममा बोल्दै नगरप्रमुख थापाले वृक्षारोपन तथा सरसफाई कार्यक्रम एक दिन मात्र गरेर नहुने बताउदै स्थानीय तहमा निर्वाचित भएर आइसकेपछि वातावरण तथा सरसफाई सम्बन्धि धेरै सचेतनामूलक कार्यक्रमहरु नगरपालिकाले गरिरहेको उल्लेख गर्दै, आफ्नो घरको फोहोरलाई आफनै घरभित्र व्यबस्थापन गर्न सकेमा स्वच्छ वातावरण बनाउन सकिने कुरामा जानकारी गराउदै आम स्थानीयवासीलाई सोहि अनुरुप फोहोरको व्यबस्थापा गर्न अनुरोध गर्नुभयो ।
यसैगरी कार्यक्रमका अतिथि तथा डिविजन वन कार्यलयका अधिकृत अरुण गुप्ताले विश्व वातावरण दिवसको अवसरमा मात्र वृक्षारोपन गरेर नहुने र बढ्दो शहरीकरण कारण दिनप्रतिदिन वढिरहेको वातावणिय असरप्रति सबैले गम्भिरताका साथ वृक्षारोपन गर्नुपर्नेमा जोड दिनुभयो ।
सेवा समाजका अध्यक्ष डोलानाथ पोखरेलले एक घर, एक विरुवा जोगाँउन र घर वरिपरि सरसफाई गर्न सके वातावरण स्वच्छ सफा हराभरा बनाउन सकिने विश्वास व्यक्त गर्दै व्यक्ति सचेत भएमा वातावरण सफा रहने बताउनुभयो ।
सो कार्यक्रममा कागेश्वरी मनोहरा नगरपालिकाका ९ नम्वर वडाका वडा अध्यक्ष कुन्दन खड्का, कार्यपालिका सदस्य कला घिमिरे, वडा सदस्य साहारा पुर्कोटी, रामहरी गोतामे, स्वास्थ्थ शाखा प्रमुख लक्ष्मी कोइराला लगायत विभिन्न टोल सुधार समितिकिा प्रनिधिहरु तथा संघ संस्थाका व्यक्तित्वहरु अतिथिका रुपमा उपस्थित थिए ।
तपाईको प्रतिक्रिया