टिपर दुर्घटनामा चालकको मृत्यु

नारीकोसिस डटकम/जेठ २७, उदयपुर । उदयपुरको कटारीमा गए राती टिपर दुर्घटनामा परी चालकको मृत्यु भएको छ। आईतबार राति ९:३० बजे मिर्चया–कटारी–घुर्मी सिद्धिचरण लोकमार्गको कटारी नगरपालिका ११ स्थित घुर्मीबाट कटारी आउँदै गरेको टिपर दुर्घटना हुँदा चालक सुजन भण्डारीको मृत्यु भएको जिल्ला प्रहरी कार्यालय उदयपुरले जनाएको छ ।

प्रहरीका अनुसार बा ३ ख ४१३० नं को उक्त टिपर अनियन्त्रित भई सडकबाट अन्दाजी १ किलोमिटर तल खसेर दुर्घटना हुँदा सोलुखुम्बु नेचा स्थायी घर भएका अन्दाजी २२ वर्षीय चालक भण्डारीको मृत्यु भएको हो ।

मृतकको लास घनास्थलबाट ल्याएर सोमबार विहान कटारी अस्पतालमा पोष्टमार्टमका लागि राखिएको प्रहरीले जनाएको छ ।