गजल

              गजल
-भूषण हुमागाईँ

अचेलभोलि कोनि किन आँत दुख्छ घरिघरि
उज्यालो यो नदुखेर रात दुख्छ घरिघरि ।

धेरैचोटि सम्झिहेरेँ दुख्ने रोग खुट्याउन
एकान्तमा तर्साउने बात दुख्छ घरिघरि ।

गला लाग्यो आफ्नै कुरा बेहोशीमा नहोशिँदा
उपेक्षामा लगाएको घात दुख्छ घरिघरि ।

साथ मिल्ला भन्ने थियो जीवनभरि सँगै हिँड्न
ऐले यही नमिलेको साथ दुख्छ घरिघरि ।

पिउनसम्म पिएको छु बेहोशीमा हराउँदै
चर्किएको ‘भूषण’-भित्र मात दुख्छ घरिघरि ।।