स्वीमिङ पुलमा डुुबेर एक जनाको मृत्यु
नारीकोसिस डटकम/असार २, काठमाडौं । टोखा नगरपालिकाको धापासीमा ‘स्वीमिङ पुलमा डुबेर एक जनाको मृत्यु भएको छ ।
महानगरीय प्रहरी वृत्त, महाराजगञ्जका डीएसपी फडिन्द्र प्रसाईका अनुसार नेचर क्लबमा रहेको स्वीमिङ पुलमा डुबेर आइतबार अपरान्ह ४ बजे उनी गम्भीर घाइते भएका थिए ।
घाइते भएपछि त्रिवि शिक्षण अस्पतालमा लगिएको र उपचारकै क्रममा मृत्यु भएको जनाएको छ ।
प्रहरीले अहिले मृतकको परिचय पत्ता लगाउनका लागि विभिन्न प्रहरी युनिटमा हुलिया परिपत्र गरेको छ ।
मृतकको सनाखत भएपछि मात्रै पोष्टमार्टम सुरु हुनेछ । त्यसपछि मृत्युको कारणबारे खुल्ने प्रहरीले जनाएको छ ।
घटनाको विभिन्न पाटोबाट विस्तृत अनुसन्धान भइरहेको प्रहरीले बताए ।
तपाईको प्रतिक्रिया